martes, 15 de diciembre de 2015

Última entrega do CADERNO VIAXEIRO DAS PEGADAS : José Luis e Hugo.

Ola a todos e todas!!
Hoxe toca despedirnos do CADERNO VIAXEIRO DAS PEGADAS e  José Luis e Hugo foron os encargados de pechar esta exitosa aventura viaxeira. Exitosa grazas a vos: nenos, nenas e familias.


JOSÉ LUIS: 

Jose chegou ó colexio co caderno viaxeiro nas mans e con moitas ganas de ensinar a súa obra. Estaría relacionado co taekwondo??
Empregaría os tres tipos de pegadas?? Axiña resolvemos o misterio e contemplamos o seu traballo. Jose fixo... UNHA FLOR FEITA COAS PEGADAS DOS SEUS PÉS E DAS SÚAS MANS!!




BO TRABALLO, JOSE!!!

GRACIÑAS A JOSE E A SÚA FAMILIA POLA VOSA COLABORACIÓN.



E a última viaxe do caderno viaxeiro das pegadas foi á casa de HUGO.


HUGO:





Hugo non só empregou as súas propias pegadas das mans senón que tamén plasmou... AS PEGADAS DE VARIOS DINOSAURIOS. 

 Unha idea xenial xa que en XANEIRO comezaremos a falar (e moito) destes interesantes animais.



Moi contento foi ensinando as pegadas a todas as compañeiras e compañeiros. Todos eles querían ver como eran as pegadas de dinosaurios



BO TRABALLO , HUGO!!!

GRAZAS A HUGO E Á SÚA FAMILIA POLA VOSA COLABORACIÓN.



MOITÍSIMAS GRAZAS,  FAMILIAS .

FOI TODO UN PRACER  COMPARTIR ESTA EXPERIENCIA CON VÓS.


UNHA APERTA DE BERTA



domingo, 13 de diciembre de 2015

Tres páxinas máis para os nosos cadernos. Caderno viaxeiro das pegadas de Enxa e Álvaro e caderno viaxeiro "O que máis me gusta do mundo é ..." de Xabi.

Ola de novo a todas e todos!!

Aquí chegan ...tres entregas máis dos cadernos viaxeiros!!!

Caderno " O que máis me gusta do mundo é..." de XABI.

Xabi entrou na clase máis tímido que de costume co caderno viaxeiro ben suxeito entre os seus brazos. Estaba emocionado. Cando abriu o caderno e ensinou a súa páxina non lle saian as palabras. 




O que máis lle gusta do mundo a Xabi é ....estar co seu irmán IKER. Todos admiramos a súa decisión e contemplamos a foto de Iker cando era un bebé. 




                     Unha páxina moi emocionante. BRAVO!!!

MOITAS GRAZAS A XABI E Á SÚA FAMILIA POLA VOSA COLABORACIÓN.

A seguinte parada do caderno viaxeiro será na casa de GABRIELA.




                   Con que nos sorprenderá???

- - - - - - -- - - - - - - - - - - - - - - - -- - - - - - - - - - - - - - - - - - - - -- - - - - - -  - -- - - - - - - - -  -- - - - -

CADERNO VIAXEIRO DAS PEGADAS

ÁLVARO:

O xoves chegou Álvaro co caderno viaxeiro. Con moitas ganas de ensinalo colocouse diante do encerado, agardou a súa quenda e con moito coidado abriu e ensinou a súa páxina...




Álvaro  empregou a pegada da súa man para debuxar un animal coñecido por todos...UN POLBO.




               Todos e todas admiraron o seu traballo. BRAVO!!



E con moito cariño entregou o caderno á súa compañeira ENXA.

ENXA:

Enxa entrou na clase con moita ilusión. Estaba orgullosa do seu traballo. Non pasaron uns segundos e decidiu abrir o seu caderno e ensinar o seu estupendo traballo.



Alí estaba a súa pegada, a pegada da súa man. Enxa decidiu plasmar... un CAN. 





Todas e todos admiraron o seu canciño e estivemos practicando como separar os nosos dedos da mesma maneira que os plasmou ela para poder plasmar a súa obra. BRAVO , ENXA!!

MOITAS GRAZAS A ENXA E Á SÚA FAMILIA POLA VOSA COLABORACIÓN.


E a seguinte pegada será a de  ...JOSÉ LUIS.




                   Con que nos sorprenderá???

                                     

         Unha aperta de Berta.

martes, 8 de diciembre de 2015

Cadernos viaxeiros : María (pegadas) e Mariña (o que máis me gusta...)

Ola de novo!!

Máis cadernos viaxeiros:

CADERNO DAS PEGADAS

MARÍA:

Chea de ledicia e ilusión chegou María co seu segundo caderno viaxeiro. Decidiu empregar as pegadas das súas mans e as súas impresións dixitais. Un resultado xenuíno e único que encantou a toda clase !!! BRAVO MARÍA!!




MOITAS GRAZAS A MARÍA E Á SÚA FAMILIA POLA VOSA COLABORACIÓN.


E O CADERNO VIAXEIRO DAS PEGADAS IRÁ A CASA DE ...ÁLVARO.





CADERNO VIAXEIRO:
 "O QUE MÁIS ME GUSTA DO MUNDO"

 MARIÑA:

Mariña chegou chea de ilusión co seu caderno ben agarradiño e cun gran sorriso. Xunto a María, Mariña ensinou á clase o que máis lle gusta do mundo que é...FACER EXCURSIÓNS COA SÚA FAMILIA!!
Mariña pegou unha foto da súa familia e decorouna con moito cariño e moito brillo. BRAVO MARIÑA!!  

MOITAS GRAZAS A MARIÑA E Á SÚA FAMILIA POLA VOSA COLABORACIÓN.






E o caderno viaxeiro "O que máis me gusta do mundo é" irá a casa de...XABI.




                                                                 

                                                             Unha aperta de Berta

viernes, 4 de diciembre de 2015

Julio Verne chegou a 1º B

Ola familias!!

Como xa saben as nenas e nenos de 1º B, o tema central deste ano no cole da Barquiña é:

JULIO VERNE E OS INVENTOS.


O equipo de biblioteca escolleu catro grandes obras de Julio Verne para traballar con elas nas diferentes aulas.

En Infantil: "20.000 leguas de viaje submarino".
En 3º e 4º : "La vuelta al Mundo en 80 días".
En 5º e 6º: "De la Tierra a la Luna".
e en 1º e 2º....

"VIAJE AL CENTRO DE LA TIERRA"

En 1º B comezamos a coñecer un pouco esta obra de Julio Verne a  a través do vídeo: "Las Tres Mellizas: Viaje al centro de la Tierra"...



...e como tiñamos que facer a foto do calendario, inspirámonas no libro e no vídeo para facer a nosa páxina do almaneque.

Que vos parece??





Unha aperta de Berta

miércoles, 2 de diciembre de 2015

Cadernos viaxeiros. Quenda de Xabi, Mariña, Miguel e Amine.

Ola a todos e todas!!
Aquí chegan os seguintes cadernos viaxeiros:

CADERNO "O QUE MÁIS ME GUSTA DO MUNDO É..."

- AMINE:

Cheo de emoción chegou Amine co seu caderno. Cando abriu o caderno chamounos a atención a cor vermella coa que pintou o que máis lle gusta do mundo que eran, nin máis nin menos que...
 OS HELICÓPTEROS. Moi garboso foi ensinando a súa páxina ao resto dos compañeiros. BO TRABALLO, AMINE!!!

GRAZAS A AMINE E Á SÚA FAMILIA POLA VOSA COLABORACIÓN.






                               E DESPOIS DE AMINE...




                                  QUENDA DE MIGUEL

Miguel tiña moi claro o que quería representar no caderno xa que xa nos falara da súa actividade marítima favorita.  Alegre e algo tímido ensinou a súa páxina onde mostraba que o que máis lle gustaba do mundo era...O PIRAGÜISMO.






Todos admiraron a foto onde Miguel aparece nunha piragüa. En primeiro B hai nenos e nenas moi deportistas...XENIAL!!

GRAZAS A MIGUEL E Á SÚA FAMILIA POLA VOSA COLABORACIÓN.

E AGORA TÓCALLE A...



                                            MARIÑA!!

     - - - - - - -- - - - -- - - - - - - - -- - - - - - - - - - - - -- - - - - - - 


              CADERNO VIAXEIRO DAS PEGADAS


Xabi:

Xabi escolleu as pegadas con moito detemento. Empregou as pegadas das súas mans para facer un animal...sabedes cal foi??
UNHA BOLBORETA . Verde, con brillantina...moi elaborada e con moito agarimo ensinou o seu traballo aos compañeiros. XENIAL, XABI!!!






 MOITAS GRAZAS A XABI E Á SÚA FAMILIA POLA VOSA COLABORACIÓN!!

E despois de XABI:





QUENDA PARA     MARIÑA

Mariña:


Mariña é unha apaixonada dos animais e tiña moi claro que un animal aparecería no seu caderno pero... que pegadas empregaría??? 
Escolleu as pegadas máis difíciles e coa axuda da súa familia plasmou os seus pés na páxina e elaborou unha bolboreta!!! O mesmo animal que Xabi pero completamente diferente!!
                   
                        QUE VIVA A IMAXINACIÓN!!










MOITAS GRAZAS A MARIÑÁ E Á SÚA FAMILIA POLA VOSA COLABORACIÓN.




E MIGUEL E MARIÑA VOLVEN A APARECER PORQUE A SÚA QUENDA CHEGOU CON RAPIDEZ . 


PROXIMAMENTE : AS PEGADAS DE MIGUEL E O QUE MÁIS LLE GUSTA DO MUNDO DE MARIÑA.


                                  Unha aperta de Berta